Bjartsýni þrátt fyrir ösku
Þriðjudagur, 20. apríl 2010 16:12
Í Danmörku og Noregi hefur sala á sólarlandaferðum fyrir sumarið gengið vel síðustu daga þrátt fyrir ástandið. Ferðir með brottför á komandi vikum seljast hins vegar verr en ella. Þeir farþegar sem hafa þurft að hætta við ferðalög vegna áhrifa gossins velja langflestir að bóka nýjar ferðir í stað þess að fá endurgreiðslu samkvæmt frétt Berlingske Tidende.
Þar kemur líka fram að verð á flugi til evrópskra áfangastaða, frá dönskum flugvöllum, hefur hækkað um þrjú prósent að jafnaði síðan að flug stöðvaðist á fimmtudaginn var. Verð á flugi til annarra heimsálfa hefur hins vegar lækkað um fjóra af hundraði. Tekið er fram að þessi verðsamanburður er ekki mjög ítarlegur og alltof snemmt sé að segja til um hvaða áhrif ástandið muni hafa á verð á flugi til lengri tíma. Þrátt fyrir óvissuna telja norskir sérfræðingar, sem rætt er við á vefsíðu Aftenposten, að verðið muni hækka á næstunni. Ráðleggja þeir fólki engu að síður að bíða með að kaupa farmiðana þar til flugsamgöngur komist í eðlilegt horf.
NÝTT EFNI: Barcelona bragðast betur
Ólöf Nordal varaformaður Sjálfstæðisflokksins gleymir stundum að pakka niður því nauðsynlegasta þegar hún fer til útlanda en man þó alltaf eftir að taka með sér bækur. Hér rifjar hún upp ferðalög sín til útlanda
Krókódílar sem borðuðu pasta voru heimalingar á gistihúsi Bryndísar Björgvinsdóttur rithöfundar við bakka Amazon. Hún hefur ferðast víða en getur ekki hugsað sér að snúa aftur til Indlands eftir óþægilega uppákomu á veitingahúsi þar í landi.
Skátamót í Ástralíu og reisa með slóvenskum skemmtikröftum er meðal þess sem þingmaðurinn Magnús Orri Schram hefur upplifað á ferðalögum sínum til útlanda
Ferðataska sem hleypti lífi í fundarhöld á Gotlandi og fjölskylduferð í franska myllu er meðal þess sem Guðrún Helgadóttir rithöfundur og fyrrverandi forseti alþingis minnist úr utanlandsferðum sínum.
Rútuferðaleg um Tyrkland, ógleymanleg pizza í Napólí og veikindi á fimm stjörnu hóteli er meðal þess sem Gettu betur dómarinn Örn Úlfar minnist úr utanlandsferðum sínum
Búseta danska prinsins rétt við þýsku landamærin er hluti af gamalli varnaráætlun dönsku hirðarinnar
Heimavöllur eins vinsælasta leikfangaframleiðanda í heimi er skyldustopp á ferðalagi fjölskyldunnar um Jótland
Það er ekki sjálfgefið að stórstjörnurnar haldi tónleika í Kaupmannahöfn á leið sinni um Danmörku. Herning á Jótlandi lokkar nefnilega margar þeirra til sín
Flatneskjan í Danmörku er kjörlendi fyrir þá sem vilja hjóla í fríinu
Úti fyrir ströndum Jótlands liggur fjöldi eyja sem gaman er að skoða
Lítil eyja fyrir ratvísa matgæðinga á ferðalagi um Jótland
Hér eru þær borgir sem þykja bestar til búsetu að mati tímaritsins Monocle
Breskur einkaklúbbur og skandinavísk hótelkeðja hafa blandað sér í slaginn um ferðamenn í þýska höfuðstaðnum
Farþegar breska lággjaldaflugfélagsins þurfa að ferðast út á Luton flugvöll um miðja nótt til að ná fluginu til Keflavíkur
Hér eru þeir matsölustaðir þar sem Kaupmannahafnarbúar telja sig fá mikið fyrir peninginn
Það þarf ekki að spenna bogann til að geta búið á fínu og vel staðsettu hóteli í evrópskri stórborg. Túristi vísar veginn á góð og ódýr hótel í Amsterdam, Barcelona, Berlín, Glasgow, Madríd og París
Í Þýskalandi finna striplingar víða griðland og því þarf ekki að koma á óvart að fyrsta merkta leiðin ætluð nöktum göngugörpum sé þar að finna