Noma besti veitingastaður heims
Mánudagur, 26. apríl 2010 20:59
Veitingahúsið Noma í Kaupmannahöfn var í kvöld valið það besta í heimi. Danir líkja sigrinum á San Pellegrino hátíðinni við ólympíugull.
Danskir fjölmiðlar hafa verið með öndina í hálsinum í kvöld vegna kjörsins á besta veitingahúsi heims á San Pellegrino hátíðinni í London. Dómnefnd hátíðarinnar er skipuð meistarakokkum víðs vegar að úr heiminum og velkjast fáir í vafa um að faglega sé staðið að valinu. Noma varð númer þrjú á síðasta ári og vonuðust Danir til að nú myndi staðurinn bera sigur úr býtum. Og það varð raunin og þarlendir fjölmiðlar hafa farið mikinn í fréttaflutningi af sigrinum í kvöld og líkt honum við ólympíugull og Óskarsverðlaun.
Það er næsta víst að biðin eftir lausu borði á Noma lengist enn frekar eftir úrslitin. Nær ómögulegt hefur til dæmis verið að fá borð á fyrrverandi besta veitingastað í heimi, El Bulli á Spáni. Biðtíminn hefur verið um tvö ár. Á Noma hefur biðin verið um þrír mánuðir allt frá því að staðurinn hlaut sína aðra Michelin stjörnu fyrir tveimur árum síðan.
Sigur Dana í kvöld er okkur Íslendingum líka fagnaðarefni því á Noma er fókuserað á norrænt hráefni og má oft finna íslenskar afurðir á matseðlinum. Staðurinn deilir líka húsnæði með sendiráði Íslands í Danmörku.
TENGT EFNI: Billegasta stjörnumáltíðin á Norðurlöndum og Nýir veitingastaðir í ódýrari kantinum í Kaupmannahöfn
Ferðataska sem hleypti lífi í fundarhöld á Gotlandi og fjölskylduferð í franska myllu er meðal þess sem Guðrún Helgadóttir rithöfundur og fyrrverandi forseti alþingis minnist úr utanlandsferðum sínum.
Rútuferðaleg um Tyrkland, ógleymanleg pizza í Napólí og veikindi á fimm stjörnu hóteli er meðal þess sem Gettu betur dómarinn Örn Úlfar minnist úr utanlandsferðum sínum
Krókódílar sem borðuðu pasta voru heimalingar á gistihúsi Bryndísar Björgvinsdóttur rithöfundar við bakka Amazon. Hún hefur ferðast víða en getur ekki hugsað sér að snúa aftur til Indlands eftir óþægilega uppákomu á veitingahúsi þar í landi.
Skátamót í Ástralíu og reisa með slóvenskum skemmtikröftum er meðal þess sem þingmaðurinn Magnús Orri Schram hefur upplifað á ferðalögum sínum til útlanda
Ólöf Nordal varaformaður Sjálfstæðisflokksins gleymir stundum að pakka niður því nauðsynlegasta þegar hún fer til útlanda en man þó alltaf eftir að taka með sér bækur. Hér rifjar hún upp ferðalög sín til útlanda
Úti fyrir ströndum Jótlands liggur fjöldi eyja sem gaman er að skoða
Heimavöllur eins vinsælasta leikfangaframleiðanda í heimi er skyldustopp á ferðalagi fjölskyldunnar um Jótland
Flatneskjan í Danmörku er kjörlendi fyrir þá sem vilja hjóla í fríinu
Búseta danska prinsins rétt við þýsku landamærin er hluti af gamalli varnaráætlun dönsku hirðarinnar
Lítil eyja fyrir ratvísa matgæðinga á ferðalagi um Jótland
Það er ekki sjálfgefið að stórstjörnurnar haldi tónleika í Kaupmannahöfn á leið sinni um Danmörku. Herning á Jótlandi lokkar nefnilega margar þeirra til sín
Hér eru þeir matsölustaðir þar sem Kaupmannahafnarbúar telja sig fá mikið fyrir peninginn
Hér eru þær borgir sem þykja bestar til búsetu að mati tímaritsins Monocle
Það þarf ekki að spenna bogann til að geta búið á fínu og vel staðsettu hóteli í evrópskri stórborg. Túristi vísar veginn á góð og ódýr hótel í Amsterdam, Barcelona, Berlín, Glasgow, Madríd og París
Farþegar breska lággjaldaflugfélagsins þurfa að ferðast út á Luton flugvöll um miðja nótt til að ná fluginu til Keflavíkur
Breskur einkaklúbbur og skandinavísk hótelkeðja hafa blandað sér í slaginn um ferðamenn í þýska höfuðstaðnum
Í Þýskalandi finna striplingar víða griðland og því þarf ekki að koma á óvart að fyrsta merkta leiðin ætluð nöktum göngugörpum sé þar að finna