Ódýrast að gista í Malmö
Föstudagur, 14. maí 2010 11:17
Hótelverð hefur hríðlækkað á Norðurlöndum síðustu tvö ár. Ódýrustu hótelin í borgum frændþjóðanna eru í Malmö.
Kostnaður vegna gistingar vegur oftast þyngst í ferðalaginu. Sem betur fer hefur hótelgeirinn þurft að laga sig að breyttum aðstæðum og lækkað verðið á þjónustunni.
Á Norðurlöndunum hefur verðið lækkað mest í Stokkhólmi eða um 21 prósent samkvæmt tölum frá leitarsíðunni Hotels.com. Minnst hefur verðið breyst í Óðínsvéum eða aðeins um 2 prósent. Sem fyrr er ódýrast að gista í Malmö í Svíþjóð en þar kostar gistinóttin að meðaltali rétt rúmar fimmtán þúsund íslenskar krónur.
Malmö er ákaflega heppilegur valkostur fyrir Íslendinga því það er auðvelt að taka lestina þangað frá Kastrup flugvelli. Og það er ekki bara hótelverðið sem er lægra í Malmö en í nágrannaborginni, Kaupmannahöfn. Þar er líka ódýrara að borða og versla. Reyndar hefur munurinn minnkað örlítið síðustu vikur eftir að sænska krónan sótti í sig veðrið gagnvart þeirri dönsku.
Dýrustu gistinguna er hins vegar að finna í Osló, höfuðborg Noregs. Þar kostaði nóttin að meðaltali rúmar tuttugu þúsund íslenskar á síðasta ári samkvæmt Hotels.com. Noregur skipar líka annað sætið á listanum yfir dýrustu borgirnar því gistingin í Bergen er sú næstdýrasta.
Hér er listi Hotels.com sem sýnir hvað nóttin kostar að meðaltali á hótelunum í hverji borg fyrir sig og hversu mikið hún hefur lækkað frá árinu 2008.
| Borg | Meðalverð árið 2009 | Verðbreyting frá 2008 | |
| 1. | Malmö | 15.448 kr. | -12% |
| 2. | Gautaborg | 17.216 kr. | -14% |
| 3. | Stokkhólmur | 18.056 kr. | -21% |
| 4. | Helsinki | 18.343 kr. | -18% |
| 5. | Álaborg | 18.454 kr. | -11% |
| 6. | Óðinsvé | 18.940 kr. | -2% |
| 7. | Árósar | 19.757 kr. | -11% |
| 8. | Kaupmannahöfn | 19.868 kr. | -13% |
| 9. | Bergen | 20.045 kr | -16% |
| 10. | Osló | 20.177 kr. | -19% |
TENGT EFNI: Ódýr hótel í Kaupmannahöfn
Mynd: Malmotown.com / Oskar Falck
Skátamót í Ástralíu og reisa með slóvenskum skemmtikröftum er meðal þess sem þingmaðurinn Magnús Orri Schram hefur upplifað á ferðalögum sínum til útlanda
Rútuferðaleg um Tyrkland, ógleymanleg pizza í Napólí og veikindi á fimm stjörnu hóteli er meðal þess sem Gettu betur dómarinn Örn Úlfar minnist úr utanlandsferðum sínum
Krókódílar sem borðuðu pasta voru heimalingar á gistihúsi Bryndísar Björgvinsdóttur rithöfundar við bakka Amazon. Hún hefur ferðast víða en getur ekki hugsað sér að snúa aftur til Indlands eftir óþægilega uppákomu á veitingahúsi þar í landi.
Ferðataska sem hleypti lífi í fundarhöld á Gotlandi og fjölskylduferð í franska myllu er meðal þess sem Guðrún Helgadóttir rithöfundur og fyrrverandi forseti alþingis minnist úr utanlandsferðum sínum.
Ólöf Nordal varaformaður Sjálfstæðisflokksins gleymir stundum að pakka niður því nauðsynlegasta þegar hún fer til útlanda en man þó alltaf eftir að taka með sér bækur. Hér rifjar hún upp ferðalög sín til útlanda
Úti fyrir ströndum Jótlands liggur fjöldi eyja sem gaman er að skoða
Búseta danska prinsins rétt við þýsku landamærin er hluti af gamalli varnaráætlun dönsku hirðarinnar
Það er ekki sjálfgefið að stórstjörnurnar haldi tónleika í Kaupmannahöfn á leið sinni um Danmörku. Herning á Jótlandi lokkar nefnilega margar þeirra til sín
Heimavöllur eins vinsælasta leikfangaframleiðanda í heimi er skyldustopp á ferðalagi fjölskyldunnar um Jótland
Lítil eyja fyrir ratvísa matgæðinga á ferðalagi um Jótland
Flatneskjan í Danmörku er kjörlendi fyrir þá sem vilja hjóla í fríinu
Það þarf ekki að spenna bogann til að geta búið á fínu og vel staðsettu hóteli í evrópskri stórborg. Túristi vísar veginn á góð og ódýr hótel í Amsterdam, Barcelona, Berlín, Glasgow, Madríd og París
Breskur einkaklúbbur og skandinavísk hótelkeðja hafa blandað sér í slaginn um ferðamenn í þýska höfuðstaðnum
Hér eru þeir matsölustaðir þar sem Kaupmannahafnarbúar telja sig fá mikið fyrir peninginn
Farþegar breska lággjaldaflugfélagsins þurfa að ferðast út á Luton flugvöll um miðja nótt til að ná fluginu til Keflavíkur
Í Þýskalandi finna striplingar víða griðland og því þarf ekki að koma á óvart að fyrsta merkta leiðin ætluð nöktum göngugörpum sé þar að finna
Hér eru þær borgir sem þykja bestar til búsetu að mati tímaritsins Monocle