Ódýr hótel í Kaupmannahöfn
Fimmtudagur, 29. apríl 2010 15:16
Ferðamannastraumurinn til Danmerkur hefur verið með minna móti síðustu misseri. Hátt gengi dönsku krónunnar hefur dregið úr heimsóknum frá nágrannalöndunum og fækkun utanlandsferða Íslendinga hefur líka sitt að segja. Enda stóðum við undir þremur prósentum allra gistinátta á hótelum borgarinnar þegar best lét. Þetta breytta landslag hefur gert það að verkum að víða má finna ágætis tilboð á hótelgistingu.
Þriggja stjörnu í hjarta bæjarins
Rétt við Nýhöfn er einfalt þriggja stjörnu hótel sem kallast The Strand. Nóttin kostar um tuttugu þúsund ef tilboðinu um 25% afslátt er tekið . Annars staðar á heimasíðu hótelsins er gistingin hins vegar eilítið dýrari. Annað ágætt hótel á svipuðum slóðum og í sama verðflokki er Hotel Maritime. Það er ódýrara að bóka það á vefsíðu ferðamálaráðs Kaupmannahafnar en á heimasíðu hótelsins. Þriðja hótelið í svipuðum klassa er Christian IV og ef bókað er vortilboð þá kostar herbergið tæpar nítján þúsund. Fram til loka maí er opnunartilboð á nýuppgerðu Hótel Kong Frederik við Ráðhústorgið og kostar nóttin 995 danskar sem samsvarar rúmum 23 þúsund íslenskum.
Ódýrara í útjaðrinum
Eins og gefur að skilja er gistingin oftar en ekki ódýrari þegar komið er út fyrir innsta kjarna borgarinnar. Nóttin á ódýrustu herbergjunum á Wake up hótelinu við aðallestarstöðina kostar um fimmtán þúsund íslenskar krónur. Sömu verð er að finna á öllum fjórum Cabinn hótelunum. Þau tvö sem eru í Frederiksberg er ágætlega staðsett í námunda við Forum metróstöðina sem gerir ferðalagið til og frá flugvellinum ódýrt og þægilegt. Wake up er þó betri valkostur en Cabinn enda splunkunýr gististaður.
Gistiheimilin góður kostur
Þeir sem eru til í að deila baðherbergjum með öðrum gestum geta sparað sér töluverðan pening með því að bóka gistingu á gistiheimilum. Saga hótel, bakvið aðallestarstöðina, fær fína umsögn á bókunarsíðunni Hostelworld. Verðin eru frá 250 dönskum á mann ef fjórir deila herbergi. Það sama gildir um Hótel Løven á Vesterbrogade. Danhostel á og rekur nokkur gistiheimili í Danmörku. Flaggskipið er Danhostel Copenhagen City og þar fer vel um fjölskyldur, fjögra manna herbergi kostar um átján þúsund íslenskar á nótt ef bókað er á vef Hostelworld.
TENGT: Vegvísir - Kaupmannahöfn
Krókódílar sem borðuðu pasta voru heimalingar á gistihúsi Bryndísar Björgvinsdóttur rithöfundar við bakka Amazon. Hún hefur ferðast víða en getur ekki hugsað sér að snúa aftur til Indlands eftir óþægilega uppákomu á veitingahúsi þar í landi.
Ferðataska sem hleypti lífi í fundarhöld á Gotlandi og fjölskylduferð í franska myllu er meðal þess sem Guðrún Helgadóttir rithöfundur og fyrrverandi forseti alþingis minnist úr utanlandsferðum sínum.
Rútuferðaleg um Tyrkland, ógleymanleg pizza í Napólí og veikindi á fimm stjörnu hóteli er meðal þess sem Gettu betur dómarinn Örn Úlfar minnist úr utanlandsferðum sínum
Skátamót í Ástralíu og reisa með slóvenskum skemmtikröftum er meðal þess sem þingmaðurinn Magnús Orri Schram hefur upplifað á ferðalögum sínum til útlanda
Ólöf Nordal varaformaður Sjálfstæðisflokksins gleymir stundum að pakka niður því nauðsynlegasta þegar hún fer til útlanda en man þó alltaf eftir að taka með sér bækur. Hér rifjar hún upp ferðalög sín til útlanda
Úti fyrir ströndum Jótlands liggur fjöldi eyja sem gaman er að skoða
Það er ekki sjálfgefið að stórstjörnurnar haldi tónleika í Kaupmannahöfn á leið sinni um Danmörku. Herning á Jótlandi lokkar nefnilega margar þeirra til sín
Flatneskjan í Danmörku er kjörlendi fyrir þá sem vilja hjóla í fríinu
Heimavöllur eins vinsælasta leikfangaframleiðanda í heimi er skyldustopp á ferðalagi fjölskyldunnar um Jótland
Búseta danska prinsins rétt við þýsku landamærin er hluti af gamalli varnaráætlun dönsku hirðarinnar
Lítil eyja fyrir ratvísa matgæðinga á ferðalagi um Jótland
Hér eru þær borgir sem þykja bestar til búsetu að mati tímaritsins Monocle
Farþegar breska lággjaldaflugfélagsins þurfa að ferðast út á Luton flugvöll um miðja nótt til að ná fluginu til Keflavíkur
Hér eru þeir matsölustaðir þar sem Kaupmannahafnarbúar telja sig fá mikið fyrir peninginn
Það þarf ekki að spenna bogann til að geta búið á fínu og vel staðsettu hóteli í evrópskri stórborg. Túristi vísar veginn á góð og ódýr hótel í Amsterdam, Barcelona, Berlín, Glasgow, Madríd og París
Í Þýskalandi finna striplingar víða griðland og því þarf ekki að koma á óvart að fyrsta merkta leiðin ætluð nöktum göngugörpum sé þar að finna
Breskur einkaklúbbur og skandinavísk hótelkeðja hafa blandað sér í slaginn um ferðamenn í þýska höfuðstaðnum